Summativ baholash O‘zbekiston Respublikasi MMTV tomonidan o‘zlashtirish faoliyatini doimiy nazorat qilish qoidalari doirasida ishlab chiqilgan va tasdiqlangan. “eMaktab” metodistlari Samarqand, Jizzax va Sirdaryo viloyatlari o‘qituvchilari uchun bir qator o‘quv seminarlarini o‘tkazishdi.

Seminar dasturi nazariy material va amaliy topshiriqlarga asoslangan. “eMaktab.Smart” platformasidagi mezonlarga asoslangan o‘quv kursi Ixtisoslashtirilgan ta’lim muassasalari agentligi huzuridagi Pedagogik mahorat va xalqaro baholash markazi ko‘magida yaratilgan.  

“Birinchi navbatda, formativ va summativ baholashning mazmun-mohiyati, summativ ishlarni tahrirlash va o‘chirish haqida gapirib berdik. Chorak, yarim yil, bir yillik baholarni qanday hisoblashni misol bilan ko‘rsatdik va o‘qituvchilar bilan birgalikda amaliy topshiriqlar misolida barcha ko‘nikmalar ustida ishladik. Shuningdek, o‘tish natijalariga ko‘ra sertifikatlarni birgalikda yuklab oldik”, – deydi “eMaktab”ning metodik bo‘lim boshlig‘i Gulnora Ismoilova.

Yil boshidan beri “eMaktab” metodistlari 136 mingdan ortiq o‘qituvchilarni tizimda ishlashga tayyorladilar, O‘zbekiston bo‘ylab maktab xodimlari uchun 9 mingdan ortiq seminarlar, taqdimotlar va bahs-muhozaralar o‘tkazdilar.

Eslatib o‘tamiz, har bir o‘qituvchi mustaqil ravishda kursda qatnashishi hamda sertifikat olishi mumkin.  

Kursga havola.

Kursni o‘tish bo‘yicha video yo‘riqnomalar bu yerda.